Gielda fuolaha buresbirgema (buresveadjima) ja dearvvašvuođa ovddideamis

Buresbirgema ja dearvvašvuođa ovddideami ulbmilat ja doaibmabijut ásahuvvojit gieldda strategalaš plánemis (Sode-ordnenláhka 612/2021, § 6). Mearrádusdahkama olis dahkkojuvvojit mearrádusaid váikkuhusaid ovdaárvvoštallan olbmuid buresbirgemii ja dearvvašvuhtii. 

Buresbirgema ja dearvvašvuođa ovddideami vuođđun lea diehtu gieldda orruid buresbirgemis ja dearvvašvuođas. Danin gielddas galget čuvvojuvvot álbmotjoavkkuid mielde orruid eallindilit, buresbirgema ja dearvvašvuohta sihke dahkkit, mat daidda váikkuhit. Dáin raporterejuvvo jahkásaččat gielddastivrii. Okte gielddastivrabajis ráhkaduvvo buresbirgenmuitalus ja -plána, maid gielddat doaimmahit maid buresbirgenguovlluide. 

Buresbirgema ja dearvvašvuođa ovddideamis oažžu deattu gieldda ja buresbirgenguovllu ovttasbargu. Gielddat dahket ovttasbarggu maiddái guovllus doaibmi eará almmolaš doibmiid, priváhta fitnodagaid ja oktasaččat ávkkálaš servošiiguin. Organisašuvnnat leat dehálaš ovttasbargoguoimmit, ja gielddat fertejit ovddidit organisašuvnnaid doaibmaeavttuid ja váikkuhanvejolašvuođaid. 

Buresbirgenguovlu ja dan guovllu gielddat ráđđádallet unnimusat gielddastivrabajiid olis bargguid dikšuma ovttasbarggus, ulbmiliin ja bargojuogus. Buresbirgema ja dearvvašvuođa ovddideami ráđđádallamat ordnejuvvojit jahkásaččat. 

Doaibma ja bálvalusat ruhtaduvvojit eanas gielddavearuin. Jagi 2023 álggus boahtá atnui buresbirgema ja dearvvašvuođa ovddideami stáhtaossodaga lassioassi. Lassioassi lea oldehat, mainna háliiduvvo sihkkarastit gielddaid aktiivvalaš doaibma orruid buresbirgema ja dearvvašvuođa ovddideami várás. 

Yhteystiedot - Yhteystietonosto

Eveliina Pöyhönen, johtaja 
sosiaali- ja terveysministeriö, Sosiaali- ja terveydenhuollon asiakkaat ja palvelut -osasto / APO, Palvelujärjestelmäyksikkö / PAL 0295163303