Sosiála- ja dearvvašvuođa fuolahusa vuogádat ja ovddasvástádusat

Sosiála- ja dearvvašvuođa fuolahusa vuogádaga vuođđun lea vearrováriiguin ollahuhtton almmolaš sosiála- ja dearvvašvuođa fuolahus.

Almmolaš sektora lassin bálvalusat buvttaduvvojit priváhta fitnodagain. Suomas doibmet maid eatnat sosiála- ja dearvvašvuođa organisašuvnnat, mat buvttadit bálvalusaid mávssuin ja nuvttá.

Stivren

Sosiála- ja dearvvašvuohtaministeriija

• jođiha ja stivre sosiáladorvvu sihke sosiála- ja dearvvašvuođa fuolahusa bálvalusaid ovdánahttima ja doaibmanpolitihka
• meroštallá sosiála- ja dearvvašvuohtapolitihka háltelinnjáid, válmmastallá guovddáš ođastusaid ja stivre daid ollahuvvama ja oktiiheiveheami
• válmmastallá ođastusain dárbbahuvvon láhkaásaheami ja stivre dan ollahuvvama 
• das lea ovddasvástádus oktavuođain politihkalaš mearrádusdahkamii.

Dutkamuš ja ovdánahttin

Sosiála- ja dearvvašvuohtaministeriija hálddahussuorggi virgedoaimmahagain ja lágádusain lea ovddasvástádus dutkamuš- ja ovdánahttinbargguin hálddahussuorggis. Hálddahussuorgái gullet:

• Dearvvašvuođa ja buresbirgema lágádus 
• Dálkkassuorggi dorvvolašvuohta- ja ovdánahttinguovddáš Fimea
• Suonjardandorvoguovddáš
• Bargodearvvašvuođa lágádus

SDM hálddahussuorggi virgedoaimmahagat ja lágádusat

• SDM hálddahussuorggi virgedoaimmahagat ja lágádusat (suomagillii)

Sosiála- ja dearvvašvuođa bálvalusaid ordnen 

Buresbirgenguovlluin lea ovddasvástádus sosiála- ja dearvvašvuohtafuolahusa ordnemis Suomas. 

Dáidda bálvalusaide gullet vuođđodearvvašvuohtafuolahus, spesiálabuohccedikšun ja sosiálafuolahus, earret eará njálmmi dearvvašvuohtafuolahus, mielladearvvašvuohta- ja gárrenávnnasbálvalusat, mánáidsuodjaleapmi, lápmásiidbálvalusat ja allaagagiid bálvalusat. 

Dan lassin, ahte buresbirgenguovlluin lea ovddasvástádus sosiála- ja dearvvašvuohtabálvalusaid lágideamis, de dat buvttadit ovddemusat dáid bálvalusaid guovllusteaset. 

Gielddat ja buresbirgenguovlu doibmet ovttasráđiid buresbirgema ja dearvvašvuođa ovddideamis. Priváhta doaibmit sihke organisašuvnnat ja searvvit dievasmahttet almmolaš sosiála- ja dearvvašvuohtabálvalusaid.  

Buresbirgenguovlluin lea maid ovddasvástádus gádjundoaimma ordnemis Suomas. 

Buresbirgenguovllut leat 21, ja dat hápmahuvvet eanas eanangoddejuogu vuođul. Uusimaa eanangoddi lea juhkkojuvvon njealji buresbirgenguvlui. Helssega gávpogis lea ovddasvástádus sosiála- ja dearvvašvuohtabálvalusaid ja gádjundoaimma ordnemis guovllustis. HUS-ovttastumis lea ovddasvástádus sierra mearriduvvon gáibideaddji spesiálabuohccedikšuma bargguin guovllustis. 

Bálvalusaid ordnenovddasvástádus sirdásii gielddain ja gieldaovttastumiin buresbirgenguovlluide jagi 2023 álggus. 

Lobit ja bearráigeahčču 

Sosiála- ja dearvvašvuohtasuorggi lohpe- ja bearráigeahččobargguid dikšu jagi 2026 álggu rájes ođđa Lohpe- ja bearráigeahččodoaimmahat. Das lea ovddasvástádus dain bargguin, maid ovdal dikšo Valvira ja guhtta guovlluhálddahusvirgebáikkiid. 

Lohpe- ja bearráigeahččodoaimmahat stivre ja bearráigeahččá almmolaš ja priváhta sosiála- ja dearvvašvuohtafuolahusa ja árvvoštallá buresbirgenguovlluid vuođđobálvalusaid oažžuma ja kvaliteahta. Doaimmahat mieđiha doaibmalobiid guovllu priváhta bálvalanbuvttadeddjiide.

Lohpe- ja bearráigeahččodoaimmahat stivre, bearráigeahččá ja dikšu lohpehálddahusa sosiála- ja dearvvašvuohtafuolahusas, alkoholahálddahusas ja birasdearvvašvuohtafuolahusas.  

Sosiála- ja dearvvašvuohtaministeriija stivre Lohpe- ja bearráigeahččodoaimmahaga sosiála- ja dearvvašvuohtasuorggi ossodaga doaimma. 

• Lohpe- ja bearráigeahččodoaimmahaga fierbmesiiddut (suomagillii)