Hyppää sisältöön
Stáhtaráđđi ja ministeriijat Media

SDM:a mearrádusain dáhkidat dálkkasbuktagiid oažžuma ja juohkingollosa doaibmama

Sosiaali- ja terveysministeriö 9.4.2020 16.10 | Julkaistu suomeksi 14.4.2020 klo 14.44
Dieđáhus 92/2020

SDM lea mearridan joatkit válmmašvuođalága 87 §:a mielde dahkkon mearrádusa fámus leahkima. Mihttomearrin lea sihkkarastit dálkkasbuktagiid reahkkáma ja dálkkasjuohkingollosa doaibmama Suomas ođđa koronavirusa dagahan spiehkastatdiliin. Mearrádus lea sisdoalu dáfus seammá go SDM:a 19.3.2020 dahkan mearrádus.

Dálkkasfuolahusa doaimmahangollosa doaibman lea dál eanaš njuovžil. Ministeriija muittuha goittotge, ahte mearrádusa mielde apoteahkas galgá garvit dárbbašmeahttun stuorra dálkkasdiŋgomiid dahkama dálkkastukkugávppiide das fuolatkeahttá, ahte jearru lea stuoris ja dat manná meattá.

Apoteahkain lea geatnegasvuohta prioriteret dálkkasbuktagiid, dálkkasávdnasiid ja dálkasiid geavaheapmái dárbbašuvvon biergasiid, dárbašiid ja čanusdárbašiid diŋgomiid. Lassin dálkkasmearrádusa gáibidan dálkkasbuktagiid bokte doaimmaheami galgá ráddjet eanemustá golmma mánu geavaheami dávistan mearrái ja váldit vuhtii ÁEL:a rávvaga (Apoteahkkadieđáhus 4/2020). Iešdikšundálkasiid bokte luobaheapmi ii oaččo mannat badjel Fimea bajásdoallan iešdikšunpakeahtaid listtus máinnašuvvon ávdnasiid guovdu stuorimus dohkkehuvvon iešdikšunpakeahtaid dálkkasmeari.

Apoteahkaide čuohcán mearrádusaid lassin mearrádusa vuođul geatnegahttit dálkkastukkugávppiid prioriteret doaimmastis dálkasiid ja dikšundárbašiid doaimmahusaid apoteahkaide, buohcceviessoapoteahkaide, dálkkasguovddážiidda ja mašiinnain doaibman poršuvdnajuohkinovttadagaide.

Salbutamolibuktagiid vuovdin ráddjejuvvo reahkkáma ja ovttaveardásaš oažžuma dáhkideapmin

SDM lea addán maiddái nuppi mearrádusa, mas mearridit apoteahkaide ráddjet gaskaboddasaččat dihto salbutamolibuktagiid vuovdima eanet go ovdalis máinnašuvvon mearrádusas, mii guoská oppalaččat dálkasiid doaimmaheami. Vuovdima ráddjema mihttomearrin lea sihkkarastit dáid dálkasiid reahkkáma ja ovttaveardásaš oažžuma buot buohcciide oppa Suomas.

Dálkasiid oažžun lea koronavirusa mielddisbuktá pamdemiias fuolatkeahttá oppalaččat buori dásis Suomas. Dálkkassuorggi dorvvolašvuođa- ja ovddidanguovddáš Fimea dihtui lea goittotge boahtán, ahte eandalii nu gohčoduvvon leahkku ástmádálkasiid (salbutamolibuktagat) vuovdin leamašan čielgasit stuorát go dábálaččat. Dat lea mielddisbuktán vuovdinvuorkkáid gáržuma. Oažžunhehttehusa riska stuorru čielgasit, jus golaheapmi joatkašuvvá dábálašdási stuoribun guhkit áigge.

Dál addojuvvon SDM mearrádusain apoteahkat sáhttet doaimmahit kundariidda hávil eanemustá golmma mánu divššu dávistan meari. Doaimmaid mihttomearrin lea dáhkidit buktagiid reahkkáma

SDM:a mearrádusaid vuođđun lea válmmašvuođaláhka ja dan vuođul addojuvvon atnuiváldinásahusat. Dat leat fámus 13. miessemánu 2020 rádjai.

Lassidieđut

Ráđđádalli virgeolmmoš Merituuli Mähkä, [email protected]

Ráđđádalli virgeolmmoš Ulla Närhi, [email protected]