Sosiála- ja dearvvašvuohtaministeriija rolla buresbirgenguovlluid stivremis
Sosiála- ja dearvvašvuohtafuolahusa ordnemis addojuvvo lága (612/2021) 21 § mielde sosiála- ja dearvvašvuohtafuolahusa obalaš stivren, plánen, ovdánahttin ja bearráigeahčču gullet sosiála- ja dearvvašvuohtaministeriijai.
Ministeriijas lea ovddasvástádus riikkaviidosaš sosiála- ja dearvvašvuohtapolitihkas ja dakko bakte sosiála- ja dearvvašvuohtabálvalusaid láhkaevttohusaid válmmastallamis ja ovdanbuktimis stáhtaráđis.
Dasa lassin sosiála- ja dearvvašvuohtaministeriijas lea ovddasvástádus sosiála- ja dearvvašvuohtabálvalusaid riikkaviidosaš ulbmiliid válmmastallamis ja daid vuhtii váldimis buresbirgenguovlluid doaimma stivremis. Riikkaviidosaš strategalaš ulbmilat buresbirgenguovlluid bargguid dikšuma várás ásaha stáhtaráđđi.
Sosiála- ja dearvvašvuohtaministeriija čuovvu ovttasráđiid buresbirgenguovlluiguin áigeguovdilis dili njeallje háve jagis beaivváiduvvi buresbirgenguovlluid dillegovas.
Sosiála- ja dearvvašvuohtafuolahusa stivren vuođđuduvvá sosiála- ja dearvvašvuohtaministeriija ja buresbirgenguovlluid lávga ovttasbargui ja jotkkolaš vuorrováikkuhussii, mii dáhpáhuvvá máŋgga dásis.
Sosiála- ja dearvvašvuohtaministeriija virgejođihangoddi ságastallá áigeguovdilis áššiin buresbirgenguovllu sosiála- ja dearvvašvuohtafuolahusa áššiin earret eará buresbirgenguovlohoavddaiguin sihke guovlluráđđehusaid ságadolliiguin ja guovllustivrraid ságadolliiguin. Dasa lassin sosiála- ja dearvvašvuohtaministeriija, DBL ja buresbirgenguovlluid áššedovdit leat jotkkolaš vuorrováikkuhusas vuollegis šielmmáin.
Ráđđádallamat buresbirgenguovlluiguin
Buresbirgenguovllu stivrejeaddji ministeriijat (ruhtaministeriija, sosiála- ja dearvvašvuohtaministeriija ja sisáššiidministeriija) ráđđádallet jahkásaččat juohke buresbirgenguovlluin buresbirgenguovllu ordnenovddasvástádusa bargguid ollahuhttimis ja buresbirgenguovllu ekonomiijadikšumis.
Ráđđádallamiin čađahuvvo buresbirgenguovllu sosiála- ja dearvvašvuohtafuolahusa áigeguovdilis dilli ja ohccojuvvojit ovttas čoavddusmolssaeavttut čuolmmaide.
Ráđđádallamiid doarjjan leat Dearvvašvuođa ja buresbirgema lágádusa (DBL) áššedovdiárvvoštallamat, Lohpe- ja bearráigeahččodoaimmahat bearráigeahččoraporttat sihke buresbirgenguovlluid čilgehusat ja sosiála- ja dearvvašvuohtaministeriija fuomášumit.
- Jagi 2024 buresbirgenguovlluid ráđđádallamiid beavdegirjjit ja čuvvosat (RM) (suomagillii)
- Jagi 2023 čavčča buresbirgenguovlluid ráđđádallamiid beavdegirjjit ja čuvvosat (suomagillii)
- Jagi 2023 giđa buresbirgenguovlluid ráđđádallamiid beavdegirjjit ja čuvvosat (suomagillii)
- Jagi 2023 ovttasbargoráđđádallamiid beavdegirjjit ja čuvvosat (suomagillii)
Seamma ovttasbargoguvlui gullevaš buresbirgenguovllut galget ráhkadit gaskavuođa ovttasbargoguovlosoahpamuša. Soahpamuša ollahuvvan čuvvojuvvo ja árvvoštallojuvvo jahkásaš ovttasbargoguovllu ráđđádallamiin.
Jagi 2024 ovttasbargoguovloráđđádallamiid beavdegirjjit ja čuvvosat (suomagillii)
Buresbirgenguovloráđđádallangoddi, mii doaibmá ruhtaministeriija olis, ovddida buresbirgenguovlluid doaimma ja ekonomiija strategiijalinnjemiid ja buresbirgenguovlluid iešstivrema ollahuvvama sihke riikkaviidosaš ja guvllolaš doibmiid ovttasbarggu.
Čilgehus buresbirgenguovlluid sosiála- ja dearvvašvuohtafuolahusa dilis
Sosiála- ja dearvvašvuohtaministeriija dahká jahkásaččat čilgehusa buresbirgenguovlluid sosiála- ja dearvvašvuohtafuolahusa dilis. Čilgehussii galgá gullat evttohus dárbbatlaš doaibmabijuin almmolaš ekonomiija plána, stáhtabušeahta sihke buresbirgenguovllus addojuvvon lága 12 a §:s dárkkuhuvvon buresbirgenguovlluid bargguid riikkaviidosaš ulbmiliid ráhkadeami várás sihke eará riikkaviidosaš stivrema várás.
Buresbirgenguovlluid ruhtadeapmi ja ekonomiija
Lassidieđut buresbirgenguovlluid ruhtadeamis ja ekonomiijas leat ruhtaministeriija fierbmesiidduin.
Ofelaš buresbirgenguovlluid investerenplána ráhkadeapmái lea válmmastallon sosiála- ja dearvvašvuohtaministeriija, sisáššiidministeriija ja ruhtaministeriija ovttasbargun. Sosiála- ja dearvvašvuohtaministeriija dohkkeha dehe hilgu buresbirgenguovlluid sosiála- ja dearvvašvuohtafuolahusa investerenplánaid jahkásaččat.
