SDM stivre buresbirgenguovlluid sode-bálvalusaid lágideamis

Sosiála- ja dearvvašvuohtaministeriijas lea ovddasvástádus sosiála- ja dearvvašvuođa fuolahusa doaimma almmolaš stivremis, plánemis ja ovdánahttimis. Gádjundoaimma almmolaš hálddaheapmi, stivren ja bearráigeahčču gullet sisáššiidministeriijai. Ruhtaministeriija čuovvu buresbirgenguovlluid doaimma ja ekonomiija. 
Álbmotlaš sosiála- ja dearvvašvuođa fuolahusa sihke gádjundoaimma stivren čoahkkana stivremis, mii dáhpáhuvvá máŋgga sierra dásis. 

• Stáhta dásis hábmejuvvojit riikkaviidosaš strategalaš ulbmilat sosiála- ja gádjundoaimma lágideapmái sihke strategalaš linnjemat buresbirgenguovllu ekonomiijas. Ulbmiliid ollahuvvan  ovdánahttojuvvo sosiála- ja dearvvašvuođa fuolahusa, gádjundoaimma sihke buresbirgenguovllu ekonomiija ja -hálddahusa ráđđádallangottiin. 
• Ovttasbargoguovlluid dásis ráđđádallojuvvo maid jahkásaččat ja sáhttá dárbbu mielde seahkánuvvot soahpamušaide. 
• Ovttasbargoguovlluid dásis ráđđádallojuvvo maid jahkásaččat ja sáhttá dárbbu mielde seahkánuvvot investerenplánaide. 
• Formálalaš stivrema lassin stáhtaráđđi gulahallá geažos áigge buresbirgenguovlluiguin.

Stáhta stivren vuojulduvvá buresbirgenguovllu lágidanbargguid stivremii strategalaš dásis. Stivremiin ii seahkánuvvo bienasta bitnii dehe geatnegahtti ládje buresbirgenguovllu bargguide ja bálvalanbuvttadeapmái. 

Ulbmilin lea, ahte stivren vuođđuduvvá ain eanet ministeriija ja bálvalusa lágideaddji gaskavuođa luohttámuššii ja bistevaš gulahallamii. Mávssolaš oassin lea oktasaš diehtovuođđu ja ipmárdus sode-bálvalusaid dilis. 

Barggu vuolde lea stivrema giehtagirji, mii fállá gokčevaččat dieđu álbmotlaš stivremis. 
 

Buresbirgenguovlluid ruhtadeapmi ja ekonomiija

Lassidieđut buresbirgenguovlluid ruhtadeamis ja ekonomiijas leat ruhtaministeriija fierbmesiidduin.

• Ruhtaministeriija fierbmesiiddut 

Ofelaš buresbirgenguovlluid investerenplána ráhkadeapmái lea válmmastallon sosiála- ja dearvvašvuohtaministeriija, sisáššiidministeriija ja ruhtaministeriija ovttasbargun. Ofelaš áigeguovdilastojuvvo ožžojuvvon máhcahaga vuođul.

• Investerenofelaš, áigeguovdilaston 16.6.2022  (suomagillii)

Riikkaviidosaš ulbmilat

• Riikkaviidosaš ulbmilat, almmustuhtton 1.12.2022

Ráđđádallamat buresbirgenguovlluiguin

Sosiála- ja dearvvašvuohtaministeriija čađaha jahkásaš guvllolaš ráđđádallamiid. Ruhtaministeriija searvá ráđđádallamiidda. 

Ministeriija ja guovlluid gaskavuođa ságastallamiin gieđahallojuvvo sosiála- ja dearvvašvuođa fuolahusa dilli guovllus ja ohccojuvvojit ovttas čoavdinmolssaeavttut čuolmmaid čoavdima várás. Ráđđádallamiid doarjjan doibmet Dearvvašvuohta- ja buresbirgenlágádusa (DBL) áššedovdiárvvoštallamat sihke guovlluid ja ministeriija áiccastagat. 

• Lassidieđut DBL árvvoštallamis (suomagillii)

Sode-ráđđádallangoddi

Sosiála- ja dearvvašvuođa fuolahusa ráđđádallangotti ulbmilin lea doarjut sosiála- ja dearvvašvuohtaministeriija buresbirgenguovlluid vuorrováikkuhuslaš stivremis. Ráđđádallangoddi doaibmá kanálan, man bakte buresbirgenguovllut sáhttet dahkat evttohusaid sosiála- ja dearvvašvuohtaministeriijai. 

Ráđđádallangotti lahtut leat sosiála- ja dearvvašvuohtaministeriijas, ruhtaministeriijas, sisáššiidministeriijas, buresbirgenguovlluin, Helssega gávpogis ja HUS-ovttastumis.  

Sode-ráđđadallangotti ja dan vuollásaš juhkosiid lassin doibmii gullet máŋggat eaktodáhtolaš fierpmádagat.

Lassidieđut:

Andreas Blanco Sequieros, SDM, 0295 163 347, ovdanamma.goargu(at)gov.fi