Sode-ođastusa guvllolaš válmmastallama stahtadoarjagiin leat dahkkon mearrádusat

Boahtteáigge sosiála- ja dearvvašvuohtaguovddáš -prográmmii gullevaš fidnuid sihke stáhtadoarjagiid, mat dorjot struvrralaš ođasteami, mearrádusat leat dahkkon.

Masa fidnuiguin viggojuvvo

Boahtteáigge sode-guovddáš -prográmma ulbmilin lea bálvalusaid ovttaveardásaš oažžašuvvama, rivttesáigásašvuođa ja jotkkolašvuođa buorideapmi. Doaimma deaddu háliduvvo sirdit lossa bálvalusain ovddalgihtii caggi ja ávaštalli bargui. Dasa lassin bálvalusaid šládja ja váikkuhanvuohta háliduvvo buorid-uvvot sihke bálvalusaid máŋggasuorggatvuohta ja oktiiheivvolašvuohta sihkkarastojuvvot. Ulbmilin lea maid goluid loktaneami caggan, man sáhttá joksat eará ulbmiliid ollašuvadettiin.

Struktuvraođastusas viggojuvvo earenoamážit sode-bálvalusaid ordnenbarggu gárgeheapmái ja ok-tilažžan dahkamii. Fidnuin vuojulduvvo ee. stivrema gárgeheapmái, čilgehusaide ja plánaide, mat gusket bálvalanfierpmádaga, bálvalangollosiid ja ollisvuođaid meroštallamii, bálvalanfierpmi ja bálvalangollosiid jođiheami gárgeheapmái ja dieđuin jođiheapmái, diehto- ja kommunikašuvdnateknihkalaš čovdosiid ok-tilažžan dahkamii sihke eará doaibmabijuid válmmastallamii, mat laktásit gollugárggiideami caggamii.

Juolluduvvon stáhtadoarjagat

Ohcamušat Boahtteáigge sode-guovddáš -stáhtadoarjjaohcamuššii guđđojuvvoje mearreáigge rádjái 23 ja guvllolaš válmmastallamii, mii doarju struktuvraođastusa, 24. Stáhtadoarjja mearriduvvui mieđihit buot surggiide. 

Struktuvrafidnuide lea várrejuvvon 120 milj. euro ja guđđojuvvon ohcamušaid oktasašsubmi lei 156 mil. euro. Boahtteáigge sode-guovddášfidnuide várrejuvvon ruhtamearri lea 70 milj. euro ja ohcamušaid ok-tasašsubmi lei veháš badjel 70 milj. euro.

• Juolluduvvon stáhtadoarjagat guovlluid mieldeTiedosto avautuu uudessa välilehdessä pdf 421kB

Fidnuid koordineren ja stivren

Sosiála- ja dearvvašvuohtaministeriija ásahan sode-ođastusa jođihanjoavku doaibmá Boahtteáiggi sosiá-la- ja dearvvašvuohtaguovddáš -prográmma stivrenjoavkun, ja dan vuollásažžan doaibmá prográmma koordinašuvdnajoavku. Sode-ođastusa válmmastallama Guvllolaš válmmastallama juogus koordinere struktuvraođastusa ovdáneami ja válmmastallama. Sosiála- ja dearvvašvuohtaministeriija bargun lea stivret struktuvraođastusfidnuid oppalašgova ja bearráigeahččat fidnuid. DBL bealistis doarju guovlluid Boahtteáigge sode-guovddáš -fidnuid ollašuhttima ja árvvoštallama olis. Fidnut besset johttáhuvvot dakkaviđe ja dat joatkahuvvet struktuvraođastusa oasis jagi 2021 loahpa rádjái ja boahtteáigge sode-guovddáža oasis jagi 2022 loahpa rádjái.

Láhkaásahanválmmastallan

Guvllolaš sode-válmmastallama bálddas ovdána sode-ođastusa láhkaásahanválmmastallan. Sosiála- ja dearvvašvuohtafuolahusa ja gádjundoaimma ordnema ođastusa ráđđehusa láhkaárvalusat leat cealkámušgulaskuddamis 25.9.2020 rádjái. Ulbmilin lea, ahte láhkaevttohusat ožžojuvvojit riikkabeaive-gieđahallamii juovlamánus 2020.

Liŋkkat (suomeksi):

• Stáhtadoarjjamearrádusaid čoahkkáigeassu ja čuovusmateriála mii guoská boahtteáigge sode-guovddážaLiŋka nuppiide siidduide
• Stáhtadoarjjamearrádusaid čoahkkáigeassu ja čuovusmateriála mii guoská struktuvraođastusaLiŋka nuppiide siidduide

Lassidieđuid addet:
Kari Hakari, ossodathoavda Kari Hakari, kari.hakari(at)stm.fi 
Kirsi Paasovaara (Boahtteáiggi sode-guovddáš -prográmma stáhtadoarjagat), spesiálaáššedovdi, kirsi.paasovaara(at)stm.fi 
Antti Kuopila (struktuvraođastusa stáhtadoarjagat), spesiálaáššedovdi, antti.kuopila(at)stm.fi