Hyppää sisältöön
Stáhtaráđđi ja ministeriijat Media

Našuvnnalaš mánnástrategiija bovde mánáid, nuoraid ja rávisolbmuid oassálastit – elektrovnnalaš jearahallan lea rabas 12.10. rádjai

Sosiaali- ja terveysministeriö 28.9.2020 9.19
Dieđáhus 218/2020

Mánát, nuorat ja rávisolbmot bovdejuvvojit fárrui našuvnnalaš mánnástrategiija válmmaštallamii. Strategiija gárvvista sierra riikkabeaijoavkkuid ovddastan parlamentáralaš komitea ja dat gárvána jagi 2020 loahpa rádjai.

Máŋggat mánát, nuorat ja bearrašat leat oassálastán mánnástrategiija gárvvisteapmái jo jagi 2018 álgán Máná Áigi 2040 -barggus. Dán čavčča koronadilli lea hástalan ohcat molssaeavttuid njunnálagaid deaivvademiide ja jearahallamiidda. Dan dihtii lea almmustahtton elektrovnnalaš jearahallan, mainna figgat fáhtet viidát mánáid, nuoraid ja rávisolbmuid. Jearahallan lea válmmaštallon ovttas organisašuvnnaiguin, áššedovdiiguin sihke mánáiguin ja nuoraiguin.

”Midjiide lea earenoamáš dehálaš oažžut mánáid ja nuoraid mielde mánnástrategiija válmmaštallamii ja ollašuhttimii. Korona mielddisbuktán spiehkastatdilit leat áinnas buktán hástalusa oassálastima ollašuhttimii”, váldočálli Johanna Laisaari muitala. 

Mánáid ja nuoraid oaiviliid háliidit gullat viidát

Dál rahppojuvvon jearahallamis figgat čielggadit earret eará, maid áššiin mánáid ja nuoraid oaiviliid leat čielggadan ja mo dat leat áššái váikkuhan. Árabut čielggadusas fuomášedje, ahte buot mánát ja nuorat eai leat gullan iežaset guoskevaš rivttiin. Dál mihttomearrin lea čiekŋudit dáid áicamiid ja smiehttat maiddái, mo rávisolbmuid áddejumi máná rivttiin sáhtašii ovddidit oassin mánnástrategiija.

”Sávvat, ahte dát elektrovnnalaš jearahallan fáhte nu máŋggaid mánáid, nuoraid ja rávisolbmui, go vejolaš”, váldočálli Johanna Laisaari joatká.

Jearahallan almmustahtto suoma-, ruoŧa-, eŋgelas-, somála- ja davvisámegillii, ja dat lea rabas vuossárgii 12.10.2020 rádjái.

Diehtu strategiijas boahttevuođas ođđa neahttasiiddus

Jearahallamiiguin oktanaga rahppojuvvojit ođđa neahttasiiddut mánnástrategiija válmmaštallamis. Siidduin muitalit máná rivttiin ja našuvnnalaš mánnástrategiijas ja bovdet mielde válmmaštallamii mánáid, nuoraid ja rávisolbmuid.

Oahpásmuva ođđa siidduide: lapsistrategia.fi 

Lassidieđut:

váldočálli Johanna Laisaari, [email protected], 029 516 1177
sierraáššedovdi Sanna Koulu, [email protected], 029 516 3671 
prošeaktačálli Laura Saarinen, [email protected], 029 516 3352