Bivdit Norggas dárkilut čielggadusa lobi addimis luosa mohkkefierbmebivdui Finnmárkku guovllus.

Suopma ja Norga ráđđádalle Deanu luossabivddu ráddjehusain giđa áigge. Luossanáli heajos dili dihtii riikkat mearridedje gieldit luosa guolásteami Deanu váldorokkis ja oalgečázádagain. Norga gilddii maiddái luossabivddu Deanuvuonas ja olgorittus Deanuvuona guktuid bealde. Dán vahkus Norga mearridii eretgeassit mohkkefierpmi geavahangildosa eará Finnmárkku mearraguovllus jahkái 2021. Mearrádus heahkastuhtii Suoma virgeoapmahaččaid.

Luosat ávkkástallet mearraguovllu daid borranguovlun ovdal go dat gorkŋot johkii gođđat. Luossanáli maŋosmannama mearkkašahtti sivvan árvalit dan, ahte mearraguovllu dilit leat nuppástuvvan. Ovttaskas sivaid ii leat leamašan vejolaš vel doaisttážii dárkileappot čielggadit. Juo ovdal riikkaid gaskasaš ráđđádallamiid nohkama Norga lei gieldan mearraguovllustis luosabivddus dábálaččat geavahuvvon mohkkefierpmi geavaheami. 

Norgga mearrádus gullá dan našuvnnalaš mearrádusváldái iige njuolga rihkkon Deanu guolásteamis Suoma ja Norgga gaskasaš soahpamuša jagi 2021. Ráđđádaladettiin soahpamuša Suomas lei goittotge ipmárdus das, ahte mohkkefierpmi gielddus lea fámus maiddái Finnmárkku guovllus ja dievasmahttá earáid mearkkašahtti doaimmaid luossanáli suodjaleapmin.
Eana- ja meahccedoalloministtar Jari Leppä lea odne sádden áššis reivve Norgga dálkkádat- ja birasministtar Sveinung Rotevatnii. Reivves bivdet Norggas dárkilut ákkaid ja čielggadusa sivain, mat leat gildosa eretgeassimis. 

Suomas lea buorre ráđđádallanoktavuohta Norggain, ja guktot riikkat juhket fuola Deanu luosa maŋosmannan náliin. Bárrásiin ráđđádallat Deanujoga guolástussoahpamuša dárkkálmahtton guolástannjuolggadusa ođasmahttimis čuovvovaš čieža jahkái.

Lassedieđut:

Ráđđádalli virgeolmmái Tapio Hakaste, tel. 0295 162 152, tapio.hakaste(at)mmm.fi
Fuođđoráđđi Vesa Ruusila, tel. 0295 162 051, vesa.ruusila(at)mmm.fi
Ministara sierraveahkki Teppo Säkkinen, tel. 050 516 2868, teppo.sakkinen(at)tem.fi