Ná jietnavuoigatvuohta mearrašuvvá guovlluválggain
Guovlluválggain jietnavuoigadahtton leat buresveadjinguovllus ássan Suoma riikkavuložat, geat leat unnimustá 18 jagi maŋimustá válgabeaivve 23.1.2022.
Lassin jietnavuoigadahtton leat dat dievasahkásaš eará EU riikkaid sihke Islándda ja Norgga riikkavuložat, geain lea ruovttugiela Suomas buresveadjinguovllus. Eará olgoriikalaččat jietnavuoigadahtton, jus sis leamašan ruovttugielda Suomas buresveadjinguovllus njuolgut unnimustá guovtti jagi áigge. Dárkilut dieđut jietnavuoigatvuođa mearrašuvvamis lea vaalit.fi-siidduin.
Jietnavuoigadahtton olbmuid postejuvvo jietnavuoigatvuođaalmmuhus juovlamánu áigge. Jus jietnavuoigadahtton lea almmuhan vuostáiváldit virgeoapmahašdieđáhusaid elektrovnnalaččat, almmuhus jietnavuoigatvuođas sáddejuvvo sutnje Suomi.fi-bálvalussii.
Jienastanbáikki ja iežas buresveadjinguovllu lea álki čielggadit
Sotnabeaivve 23.1.2022 doaimmahuvvon válggat leat Suomas vuosttas guovlluválggat. Guovlluválggain válljejit ovddasteaddjiid guovllustivrraide. Guovllustivrrat vástidit buresveadjinguovllu sosiálafuolahusa, dearvvašvuođafuolahusa ja gádjundoaimma ordnemis jagi 2023 rájes. Guovllustivrrat álggahit barggus 1.3.2022.
Buresveadjinguovllut leat 21, ja dat vástidit eanaš dálá eanagottejuogu. Spiehkastat lea Uusimaa eanagoddi, mas leat njeallje buresveadjinguovllu. Helssetlaččat eai jienas guovlluválggain, go Helsset ii leat buresveadjinguovlu iige gula mange buresveadjinguvlui. Sosiála- ja dearvvašvuođafuolahusa ođastus ii guoskka Ålándda eanagotti.
Guovlluválggain jietnavuoigadahtton sáhttá jienastit dušše iežas buresveadjinguovllus evttohasa. Jietnavuoigadahtton buresveadjinguovlu mearrašuvvá su ruovttugielddas mielde, Dieđus das, man buresveadjinguvlui guđege gielda gullá, gávdnojit vaalit.fi-siidduin.
Guovlluválggaid válgabeaivve 23.1.2022 sáhttá jienastit dušše dan jienastanbáikkis, mii máinnašuvvo jietnavuoigadahtton olbmui sáddejuvvon jietnavuoigatvuođaalmmuhusas. Ovdajienastanáigge 12.-18.1.2022 sáhttá jienastit man beare almmolaš jienastanbáikkis.
Ođđajagimánu guovlluválggaid jietnavuoigatvuođaregisttar lea čoggojuvvon álbmotdiehtovuogádagas 3.12.2021. Jus jietnavuoigadahtton lea fárren 3.12. maŋŋá, buresveadjinguovlu mas son lea jietnavuoigadahtton ja su válgabeaivve jienastanbáiki mearrašuvvet su ovddit ássanbáikki vuođul.
Guovlluválggaid almmolaš jienastanbáikkit vuoigatvuođaministeriija diehto- ja boađusbálvalusas
Diehtu guovlluválggain ja jienasteamis - vaalit.fi
Koronarávvagat jienasteaddjiide – vaalit.fi