Oaiveministtar Marin ja máŋggat earát ministarat davviriikalaš čoahkkimiidda
Oaiveministtar Sanna Marin oassálastá golmma davviriikka oaiveministariid videočoahkkimii 27. ja 28. golggotmánus. Maiddái máŋggat earát suopmelašministarat oassálastet virtuála čoahkkimiidda, mat deivet vahkkui, goas Davviriikkaid ráđi váldočoahkkin dollojuvvo dábálaš jagiin. Dán jagi čoahkkin galggai ordnejuvvot Reykjavikas, muhto koronapandemiija dihtii das fertejedje luohpat.
Maŋŋebárgga 27. golggotmánus oaiveministtar Marin buktá ovdan Davviriikkaid ráđi sátnejođiheaddjiide ja eará oaiveministariidda Suoma prográmma boahtte jagi sátnejođiheaddjivuođaáigodahkii Davviriikkaid ministtarráđis. Čoahkkimiin gieđahallet maiddái servodatdorvvolašvuođa. Maŋŋelis seammá beaivve Davviriikkaid ráđđi, davviriikkaid oaiveministarat ja ON:id váldočálli António Guterres čoahkkanit háleštallat koronapandemiija váikkuhusain globála ja davviriikkaid viŋkilis. Čoahkkima sáhttá čuovvut njuolggosáttan norden.org-siidduin dmu 19 Suoma áigge. Gaskavahku 28. golggotmánu oaiveministariin lea videočoahkkin ovttas iešráđđenguovlluiguin dahje Fearasulluid, Ruonáeatnama ja Ålándda njunnošiiguin. Čoahkkima váldotemán lea suvdilis ealáskahttin ja ruoná investeremat.
Davviriikkaid ovttasbarggu ministtar Thomas Blomqvist oassálastá davviriikkaid ovttasbargoministariid videočoahkkimii ja ovttasbargoministariid čoahkkimii Davviriikkaid ráđi sátnejođiheaddjiiguin maŋŋebárgga 27. golggotmánu. Maŋit čoahkkimis ministtar Blomqvist earret eará buktá ovdan Davviriikkaid ministtarráđi jagi 2021 bušeahta.
Sisáššiidministtar Maria Ohisalo oassálastá Davviriikkaid ministtarráđi sátnejođiheaddjiid ja ráhkkaneamis vástidan ministariid čoahkkimii gaskavahku 28. golggotmánu. Deaivvadeami áššelisttus lea dialoga Davviriikkaid ráđi servodatdorvvolašvuođa guoskan strategiija ávžžuhusain.
Bealuštanministtar Antti Kaikkonen Davviriikkaid ráđi sátnejođiheaddjiid ja bealuštanministariid deaivvadeapmái gaskavahku 28. golggotmánu. Áššelisttus lea earret eará geahčastat Nordefcon-doibmii.
Gaskavahku 28. golggotmánu biras- ja dálkkádatministtar Krista Mikkonen oassálastá davviriikalaš birasministtarčoahkkimii.
Dieđa- ja kulturministara stáhtačálli Tuomo Puumala lea Annika Saarikko sadjásažžan davviriikalaš kulturministtarčoahkkimis gaskavahku 28. golggotmánu. Ministarat mearridit čoahkkimis kultuvrra davviriikalaš ovttasbargoprográmmas jagiide 2021 – 2024.
Ovddidanovttasbargo- ja olgoriikkagávpeministtar Ville Skinnari oassálastá davviriikkaid ovddidanministtarčoahkkimii gaskavahku 28. golggotmánu, ja stáhtaruhtaministtar Matti Vanhanen oassálastá davviriikkaid stáhtaruhtaministtarčoahkkimii duorastaga 29. golggotmánu
Vuoigatvuođaministtar Anna-Maja Henriksson oassálastá davviriikalaš vuoigatvuođaministtarčoahkkimii 29.10.
Davviriikkaid ráđi girjjálašvuođa-, mánáid- ja nuoraidgirjjálašvuođa-, musihkka-, ealligovva- ja birasbálkkašumit juhkkojuvvojit virtuála gálas maŋŋebárgga 27. golggotmánu dmu 22.05 Suoma áigge. Gála sáhttá čuovvut norden.org -neahttasiiddus.
Sosiála medias čoahkkimiid sáhttá čuovvut dovddaldagain: #nrpol #nrsession #norden2020 ja #norden2021
Lassedieđut:
Oaiveministtar: sierraveahkki (riikkaidgaskasaš áššit Lauri Voionmaa, t. 0295 160 306; EU- ja rg-áššiid gulahallanhoavda Anne Sjöholm, t. 040 537 07 33, stáhtaráđi kansliija
Davviriikalaš ovttasbargoministtar: sierraveahkki Silja Borgarsdóttir Sandelin, t. 0295 150 116 ja Davviriikkaid ovttasbarggu čállingotti oaivámuš Johan Schalin, t. 0295 351 781
Sisáššiidministtar: sierraveahkki Sameli Sivonen, t. 050 4066 855 ja áššedovdi Marja Avonius, t. 0295 488 668
Bealuštanministtar: sierraveahkki Anton Staffans, t. 0295 140 053
Biras- ja dálkkádatministtar: sierraveahkki Antti Heikkinen, t. 050 348 1406 ja ráđđádalli virgeolmmoš Kaarina Saramäki, t. 029 525 0362
Dieđa- ja kulturministtar: sierraveahkki Markus Ylimaa, t. 050 374 8192 ja kulturáššiidráđđi Sini Keinonen, t. 02953 30145
Ovddidanovttasbargo- ja olgoriikkagávpeministtar: sierraveahkki Kirsi Airio, t. 050 574 1729 ja ambassádaráđđi Katja Ahlfors, t. 0295 350191
Stáhtaruhtaministtar: finánsaráđđeolmmoš Minna Aaltonen, t. 0295 530 325 ja finánsaráđđi Kristina Sarjo, t. 0295 530056
Vuoigatvuođaministtar: sierraveahkki (gulahallan ja mediagaskavuođat) Niklas Mannfolk, t. 050 306 3990